ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក ឯម ច័ន្ទមករា អំពាវនាវឲ្យបង្កើនគ្រូបកប្រែភាសាសញ្ញាដើម្បីឆ្លើយតបនឹងតម្រូវការរបស់កម្ពុជា

  • ចុះផ្សាយថ្ងៃទី១២ ខែមករា ឆ្នាំ២០២២ ម៉ោង ១៤:០៤ នាទី ដោយ Moeun Chamrong Ridhisidh
  • 2328
  Aa |   aA

ភ្នំពេញ៖ រដ្ឋលេខាធិការក្រសួងសង្គមកិច្ច និងជាអគ្គលេខាធិការក្រុមប្រឹក្សាសកម្មភាពជនពិការលោក ឯម ច័ន្ទមករា បានអំពាវនាវឲ្យបង្កើនគ្រូបកប្រែភាសាសញ្ញាដើម្បីឆ្លើយតបនឹងតម្រូវការបច្ចុប្បន្ននិងអនាគត ខណៈដែលកម្ពុជានឹងរៀបចំពិធីធំជាបន្តបន្ទាប់ចាប់ពីឆ្នាំ២០២២នេះ។

ថ្លែងតំណាងឱ្យរដ្ឋមន្ត្រីក្រសួងសង្គមកិច្ចលោក វង សូត ក្នុងពិធីសំណេះសំណាលនិងចែកអំណោយជូនដល់លោកគ្រូ អ្នកគ្រូ និងសិស្សនៅវិទ្យាល័យអប់រំពិសេសភ្នំពេញថ្មីនិងច្បារអំពៅ ក្នុងឱកាសទិវាជនមានពិការភាពជាតិលើកទី២៣និងអន្តរជាតិលើកទី៣៩ នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា លោក ឯម ច័ន្ទមករា បានជំរុញឱ្យមានការបណ្ដុះបណ្ដាលគ្រូបកប្រែភាសាសញ្ញាបន្ថែមទៀតដើម្បីត្រៀមបកប្រែក្នុងកិច្ចប្រជុំធំៗដែលកម្ពុជាធ្វើជាម្ចាស់ផ្ទះ។

លោកថា៖ «មួយស្រុកខ្មែរមានតិចជាង២០នាក់ បានសេចក្ដីថាតិចណាស់! តិចហ្នឹងក្នុងន័យអញ្ចេសទេ ត្រង់ថាប្រសិនទៅមុខយើងមានកិច្ចប្រជុំច្រើនកិច្ចប្រជុំអាស៊ាន កិច្ចប្រជុំASEM គេនឹងចាប់ផ្ដើមរកគ្រូបកប្រែភាសាសញ្ញាហ្នឹងទៅបក។ ព្រោះកិច្ចប្រជុំអន្តរជាតិធំៗចាំបាច់ត្រូវតែមានហើយ។ កិច្ចប្រជុំខ្លះ៣ថ្ងៃជាប់គ្នាព្រឹកល្ងាចយើងមិនអាចបកប្រែតែគ្រូ១នាក់ឬ២នាក់បានទេ អញ្ចឹងគឺត្រូវការច្រើនណាស់។ ហើយពីក្នុងរយៈពេលពីពេលនេះរហូតដល់២០២៣ដែលកម្ពុជារបស់យើងដែលជាប្រធានអាស៊ាននេះគឺចាំបាច់ត្រូវការណាស់។

លោកជំរុញដល់មន្ត្រីថ្នាក់ក្រោមចាប់ផ្ដើមធ្វើកិច្ចការនេះជាមួយក្រសួងអប់រំដើម្បីធ្វើយ៉ាងបង្កើនគ្រូបកប្រែភាសាសញ្ញាសម្រាប់ត្រៀមទៅនឹងការរៀបចំព្រឹត្តិការណ៍ទាំងនេះនាពេលខាងមុខ។

បើតាមលោក ឯម ច័ន្ទមករា វគ្គសិក្សាភាសាសញ្ញាត្រូវប្រើពេលយ៉ាងហោចណាស់១០ខែដើម្បីអាចយកទៅប្រើប្រាស់បាន។

គួររំលឹកផងដែរថា សម្តេចតេជោ ហ៊ុន សែន ក៏ធ្លាប់បានអំពាវនាវឲ្យស្ថានីយន៍ទូរទស្សន៍ដាក់ការបកប្រែភាសាសញ្ញាក្នុងកម្មវិធីរបស់ខ្លួនផងដែរកាលពីកន្លងទៅ ប៉ុន្តែបញ្ហាត្រង់ថាកង្វះអ្នកបកប្រែភាសាសញ្ញាដែលទាមទារឱ្យមានការបណ្ដុះបណ្ដាលបង្កើនអ្នកបកប្រែភាសាសញ្ញានេះ៕


ព័ត៌មានជាច្រើនទៀតសម្រាប់អ្នក